आव आव विंध्य मइया बैठ अँगनइया

भजन 9 

आव आव विंध्य मइया बैठ अँगनइया , देब सतरंगिया बिछाई हो 

चुनी चुनी फुलवा गुलाब जूही बेला, देब चरनिया चढ़ाई हो 

गइया के घियना से होमिया करइबे, धुवना आकाश में जाइ हो 

हरी - हरी निमिया पे डरिबे झुलनवा, देबे सातो बहिनी झुलाई हो 

उमड़ी-घुमड़ि मेघ बरसे अंगनवा, निमिया मउर झरि जाइ हो 

रात दिन माई हम गोहार लगाई, माया दिहेसि भरमाई हो 

धुरिया बनाई लेतु रहिया के अपने, जीवन सफल हो जाई हो